Komuna e Prizrenit jep tender në vlerë prej mbi 81 mijë euro për dekorimin e qytetit për festat e fundvitit

Festat e fundvitit po afrojnë, e bashkë me të edhe dekorimet e shumta e mbrëmjet festive në qytete të ndryshme të Kosovës.

Për këto dekore dhe vendosjen e shtëpizave, Komuna e Prizrenit ka dhënë tender në vlerë prej 81 mijë e 500 eurove.

Tenderi fillimisht ishte hapur në vlerë prej 80 mijë eurove, por që kompania me ofertën më të lirë, e cila edhe e ka fituar këtë tender “MULTI BUSSINES GROUP SH.P.K”, ka ofertuar me 81 mijë e 500 euro.