Komuna e Drenasit synon të rritë taksat komunale për bizneset, reagojnë këto te fundit
Por kjo rregullore ka zgjuar pakënaqësi të disa biznese pasi sipas tyre me këtë komuna synon të rritë çmimet për bizneset duke bërë që sipas tyre kjo komunë të ketë çmimet më të larta për bizneset nga të gjitha komunat e Kosovës.
Nga kjo rregullore tarifa vjetore komunale më së shumti do të rritet për noterit, avokaturat dhe barnatoret farmaceutike.
Taksa vjetore prej 250 euro sa ishte për barnatoret sipas rregullores së re do të jetë 1500 euro në vit. Ndërsa për noteritë dhe avokaturat nga 200 sa ishte do të rritet në 1000 euro.
Lexo edheKëshilltari i ministrit Hasani i reagon Lladrovcit: Projektin nga BERZH’i e ka bërë MTI’ja
Njëri nga biznesmenët në këtë komunë i ka thënë lajmit.net se i kanë nisur një shkresë komunës duke shprehur pakënaqësinë e tyre për këtë vendim. Madje sipas tij është i habitshëm ky vendim që po planifikon komuna, kur gjatë fushatës zgjedhore kryetari aktual kishte premtuar lehtësira.
