Kryetari i Partisë Fjala, Gëzim Kelmendi ka reaguar ndaj deklaratës së Ramush Haradinajt se “disa imamë i kanë dërguar fëmijët tanë në Siri”, me ç’rast ka thënë se në listën e kandidatëve për deputetë të AAK-së është një njeri që i ka inkurajuar të rinjtë kosovarë të shkojnë në Siri dhe Irak.
Përmes një reagimi në rrjetin social Facebook, Kelmendi ka thënë se kandidati për kryeministër nga koalicioni PDK-AAK-NISMA duhet të ketë kujdes me gjuhën që të mos i ofendojë imamët.
“Ramush Haradinaj, kam një ofertë serioze për ty: eja së bashku prej të nesërmës po i marrim përkrah dhe po i dërgojmë në ” hapsane” ata që i dërguan djemtë tanë në Siri. Por, e ke pak të vështirë me pranuar këtë ofertën time, ngase në listën e juaj me kandidat për deputet, ke njeriun kreyesor që e nxiti dhe inkurajoj rininë tonë të shkoj në luftën e Sirisë. E di se ti e din se kush është ai, por bëhu burrë dhe tregoje”, ka thënë Kelmendi. /Insajderi.com
