Këshilltar i Kadri Veselit, që është kandidat i PDK’së për deputet, Blerim Latifi, e ka analizuar në emisionin Pressing të T7, kandidatin e AAK’së për kryeministër, Ramush Haradinajn.
Latfii thotë se Haradinaj në qeverisjen e kaluar ka marrë vendime të gabuar, për të cilat nuk e ka përkrahur PDK’ja, duke përmendur ngritjet e pagave për Qeverinë.
Ai e ka quajtur ish-partnerin si të çekuilibruar.
Ndërsa Latifi thotë se shefi i tij e ka mbrojtur tarifën e vënë ndaj produkteve serbe dhe se Haradinajt nuk do të mund ta mbante atë, pa përkrahjen e Veselit.
“Nuk do të mund ta mbante taksën as një ditë të vetëm pa përkrahjen e zotit Veseli. I vetmi lider që e ka mbrojtur . Ka qenë i gatshëm të shkojë deri në fund të mandatit, por Ramushi u lodh. Nuk qëndron as mburrja për taksën”, tha Latifi. /Express/
