Juventusi ofron 20 milion euro, plus shërbimet e një talenti për Icardin

Duket se skuadra e Inter dhe e Juventus më në fund do të gjejnë gjuhën e përbashkët në lidhje me çështjen Icardi.

Drejtuesit e “Zonjës së Vjetër”  sipas asaj që raporton “Football Italia” , kanë gati një ofertë për klubin zikaltër. Ata ofrojnë 20 milion euro, plus talentin e tyre, Moise Kean , për të siguruar shërbimet e sulmuesit argjentinas.

Icardi së fundmi është lënë jashtë skemave taktike në stërvitjet e Antonio Conte, gjë që ka shtyrë largimin e tij nga skuadra. Lojtari vlerësohet me 60 milionë euro, por Juve mund të mbulojë gjysmën e shumës me shërbimet e Kean. Në garë për Icardi është edhe skuadra e Napolit.