Një studim i publikuar sot në Gjermani, tregon se ka një rritje drastike të islamofobisë në këtë vend, e cila ka shkaktuar tension në shoqëri pas arritjes së një milion e më shumë të emigrantëve, të cilët janë kryesisht myslimanë.
Studimi tregoi se prej 2.420 një në dy të intervistuarve, ndjehet si “të huaj në vendin e tyre”, raportojnë agjencitë.
Ka pasur edhe një rritje në numrin e njerëzve të cilët mendojnë se duhet të bëhet një ndalim i hyrjes së myslimanëve në Gjermani. Tani norma është 40 % e të anketuarve, ndërsa në vitin 2009 numri i atyre që mohonin hyrjen e myslimanëve ishte më pak se një e pesta e të anketuarve, transmeton Indeksonline.
Fluksi i emigrantëve ka shkaktuar rritje për mbështetje Anti-emigrante ndaj partisë Alternativa për Gjermaninë (AFD).
Është raportuar gjithashtu se është rritur numri i sulmeve në kampet e emigrantëve.
Gjermania është shtëpia e gati katër milionë myslimanë, që përbëjnë pesë për qind të popullsisë së përgjithshme. Shumë prej tyre janë me origjinë turke, ndërsa të tjerët erdhën dy vitet e mëparshme, duke ikur luftën në Siri, Irak dhe Afganistan.
Studimi është kryer nga Universiteti i Leipzig, në bashkëpunim me Fondacionin Heinrich Boell së, Rosa Luxemburg dhe Otto Brenner. /Indeksonline/
