Ishte ministër i Infrastrukturës në Qeverinë Haradinaj – Pal Lekaj mbetet shumë poshtë me vota në AAK

Sipas të dhënave të fundit nga Komisioni Qendror i Zgjedhjeve, deri tani janë numëruar 34,65% të votave, dhe te Aleanca për Ardhmërinë e Kosovës po shihen ndryshime të dukshme në renditjen e kandidatëve.

Një surprizë e madhe për shumë qytetarë është pozita e kandidatit për deputet Pal Lekaj, i cili deri tani ka marrë vetëm 2,823 vota, raporton lajmi.net

Ky numër i ulët e bën të vështirë që Lekaj të sigurojë një vend në Kuvend, duke qenë se aktualisht renditet poshtë disa kandidatëve të tjerë të partisë, përfshirë Lahi Brahimaj, Arbër Tolaj, Albana Bytyqi dhe Arton Demhasaj./Lajmi.net/