Janë identifikuar dy të rinjtë që humbën jetën tragjikisht pasditen e kësaj të mërkurë në zonën e Ranës së Hedhur në Shëngjin të Shqipërisë. Viktimat janë Leonid Alia nga Fushë Kosova dhe Jetmir Çopa nga Prishtina, shkruan Euronews Albania.
Mësohet se 5 të rinj u morën nga dallgët pasi u futën për t’u larë. Pasditja e tyre në bregdetin e Shëngjinit rezultoi fatale prej dy prej tyre të cilët humbën jetën. Mësohet se dy të rinjtë e tjerë janë nxjerrë nga uji dhe janë në gjendje të rëndë në spital.
Në vendngjarje kanë ndërhyrë forcat e kërkim-shpëtimit dhe Policia e Shtetit, të cilat po punojnë për sqarimin e plotë të rrethanave të ngjarjes dhe dokumentimin e saj.
Një ngjarje e rëndë ka ndodhur në bregdetin e Shëngjinit, ku pesë shokë nga Kosova që kishin hyrë në det janë përballur me dallgët e forta.
- Advertisement -
