Adem Grabovci ka folur për bisedën e publikuar të tij, për të cilin rast ka thënë se është mbyllur në mungesë të provave.
“Jam i gatshëm ti përgjigjem drejtësisë, të respektoj ligjin dhe nuk kam tentuar asnjëherë të dal mbi ligjin. Nëse është vepër penale e krim për të hapur vende pune, unë kërkoj nga drejtësia, jam i gatshëm të përgjigjem”, ka thënë Grabovci, transmeton Indeksonline.
“Nëse është vepër penale pse kam lobu për të kalu ligjet, pse komunikoj me kolegët deputet dhe sqaroj aty ku ka nevojë, e them me përgjegjësi ndihem shumë mirë pse kam kontribuar të kaloj ligji i Gjykatës Speciale, EULEX-it, Prizrenit etj. Jam në kundërshtim, por jam në përputhje me interesin e qytetarëve dhe fuqizimin e konsolidimin e shtetit”, ka shtuar Grabovci.
Ju bëj thirrje organeve të drejtësisë të nisin hetime dhe aty ku konstatohet që kam bërë shkelje dhe kam dëmtuar interesat e shtetit, unë jam i gatshëm të jam përgjegjësi. E di se jam fajtor, unë familja e gjyshërit e mi, sepse nuk jemi pajtuar kurrë me padrejtësitë që i janë bërë shtetit tim.
Krenohem me gjakun e familjes, shokëve, miqve që kanë dhënë për të arrit deri këtu. /Indeksonline/
