Grabitje në Graçanicë – hajnat e lidhin me rrip lëkure rojën e një firme private

Një grabitje ka ndodhur së fundmi në fshatin Dobratin të Graçanicës.

Roja e një firme private ka njoftuar policinë se derisa ishte në vendin e tij të punës, dy të panjohur të maskuar, njëri me pistoletë në dorë, e kanë lidhur atë me një rrip lëkure dhe ia kanë marrë kuletën në të cilën kishte dokumente personale dhe rreth 200 € para të gatshme.

Sipas raportit policor, të  dyshuarit pasi kanë hapur me forcë një dhomë tjetër kanë marrë nga dollapi rreth 2500€ para të gatshme dhe kanë ikur nga vendi i ngjarjes.