Shefi i Grupit Parlamentar të Lëvizjes Vetëvendosje, Glauk Konjufca, para se të futej në mbledhjen e Kryesisë së Kuvendit, ka hyrë në sallën e Grupit të deputetëve të LDK-së për t’u konsultuar me kolegët e tij.
Më pas Konjufca bashkë me shefin e deputetëve të LDK-së, Avdullah Hoti, kanë shkuar në mbledhjen prej të cilës do të dalë data për shpërndarjen e Kuvendit.
Së fundmi, fjalët për një koalicion mes këtyre dy partive janë shtuar edhe pas takimeve të mëhershme të dy krerëve të këtyre partive.
Ndërkaq, mbledhja e Kryesisë së Kuvendit të Kosovës në të cilën pritet të caktohet edhe seanca e jashtëzakonshme për shpërbërje të Kuvendit të Kosovës, ka filluar.
T7 raporton se deri më tani të pranishëm janë përfaqësues nga të gjitha partitë politike.
