Anëtarja e Lidhjes Demokratike të Kosovës, Besa Gaxherri, ka folur për mundësitë e LDK’së për t’iu bashkuar një koalicioni për formimin e qeverisë së re të vendit.
Ajo ka thënë se LDK përjashton çfarëdo mundësie të bashkëpunimit me PDK’në, teksa është e hapur për bashkëpunim me partitë e tjera.
“Me partitë e tjera mundemi të bashkëpunojmë, përveç me PDK’në”, ka thënë ajo në televizionin Rrokum.
Gaxherri ka theksuar se LDK është e përgatitur për krejt skenarët, por nuk do të shkojë kurrë aty ku është edhe PDK’ja.
Ajo ka thënë se nëse LDK mbetet në opozitë, nuk do të veprojë si opozita e kaluar në Kuvend.
“Ne do të ishim opozitë konstruktive, por s’do të hynim asnjëherë në ujërat si opozita e kaluar”, është shprehur Gaxherri.
Ajo ka thënë se prej LDK’së s’do të ketë deputetë që do të votojnë për formimin e qeverisë nga koalicioni PAN.
