Policia e Durrësit ka bërë të ditur se shtetasi Skënder Rama u gjet. Sipas Policisë, ai është identifikuar nga një qytetar në afërsi të vendit të quajtur “Sektor Rinia” dhe ka lajmëruar policinë. Nga deklarimi i dhënë në prani të Oficerit të Policisë Gjyqësore rezulton se Skënder Rama ka humbur orientimin dhe nuk ka probleme.
Më herët Drejtoria Vendore e Policisë Durrës kërkon ndihmën dhe bashkëpunimin e qytetarëve në gjetjen e këtij shtetasi.
Sipas Policisë Vendore, mësohet se Skënder Rama 55 vjeç, banues në Kosovë, ditën e djeshme ka ardhur me pushime në Durrës (një grup shoferësh, 44 veta) dhe rreth orës 19:00 ka dalë nga hoteli ku ishin akomoduar të gjithë pushuesit, në afërsi të Shkëmbit të Kavajës dhe nuk është kthyer më.
- Advertisement -
