Fermerja e Ferma VIP 2, Nur Al Khazali, po shijon pushimet verore nën diellin përvëlues të Dubait. Duket se ky qytet i luksit është kthyer në një nga destinacionet e saj të preferuara, pasi ndjekësit e saj janë mësuar ta shohin shpesh duke postuar nga Emiratet e Bashkuara Arabe.
Por përveç fotove plot shkëlqim dhe relaks, një tjetër detaj ka tërhequr vëmendjen e ndjekësve së fundmi: Nur ka konfirmuar publikisht se është sërish single.
“Jam 100% single dhe shumë e lumtur. Po shijoj pushimet me shoqërinë dhe familjen time. Pas pak ditësh do të kthehem në Shqipëri dhe destinacion do të kem Jugun këtë herë.”
Kujtojmë se gjatë pjesëmarrjes së saj në Ferma VIP 2, Nur u surprizua me një gjest romantik, i dashuri i saj i hodhi nga helikopteri një tufë të madhe trëndafilash të kuq. Ky moment u bë mjaftë viral në rrjet.
