Drejtori i Emergjencës flet për të riun që ndërroi jetë si pasojë e rënies nga kati i pestë tek konviktet

Një mashkull i moshës së re u hodh nga kati i pestë dhe si pasojë ndërroi jetë, duke mos i mbijetuar plagëve të marra.

Lidhur me rastin Indeksonline ka kontaktuar Drejtorin e Qendrës Emergjente, Basri Lenjanin, i cili tha se në 17:30 nga burime të Klinikës Emergjente është bërë e ditur se viktima është sjellë në klinikë.

“Si pasojë e rënies nga kati i pestë ai u soll me Autoambulancë dhe përkundër masave reaminatore ka qenë e pamundur të rikthehet në jetë për shkak të lëndimeve të shumëfsihta”, tha ai.

Lenjani tha se vdekjen e kanë konfirmuar mjekët kujdestare të Klinikës Emergjente teksa nuk dihen detajet shtesë nëse i njëjti pati probleme të tjera shëndetësore.

Ndryshe burime të Indeksonline bëjnë të ditur se viktima është A.M, 26 vjeçar nga Gjilani./Indeksonline/