Rruga që të dërgon deri te miniera e Artanës në fshatin Marec, është bllokuar nga shembja e një pjese të rrugës
Kjo ka bërë që edhe minatorët e kësaj miniere të bllokohen me autobusin e tyre, kjo pasi që reshjet e mëdha ditëve të fundit kanë bërë që të rriten prurjet e ujit të lumit “Krivareka”, i cili ka dalë nga shtrati.
Nga disa fotografi që ka siguruar Arbresh.info, shihet se infrastruktura rrugore që të dërgon deri te miniera është shumë e dëmtuar, madje disa nga minatorët shihen duke u munduar me forcat e tyre gjejnë një zgjidhje.
Njëri nga minatorët ka thënë për Arbresh.info se nëse Ministria e Infrastrukturës dhe Komuna e Prishtinës nuk reagojnë në përmirësimin e infrastrukturës rrugore që dërgon deri te flatacioni në Marec, atëherë problemet e tilla do të paraqiten shumë shpesh, madje rrezikohet seriozisht jeta e minatorëve dhe udhëtarëve që përshkojnë këtë rrugë.
