Kryetari i Partisë Demokratike të Kosovës, Bedri Hamza, ka uruar besimtarët myslimanë me rastin e festës së Fitër Bajramit, në përfundim të muajit të shenjtë të Ramazanit.
Përmes një mesazhi publik, Hamza theksoi rëndësinë e unitetit dhe harmonisë mes qytetarëve, duke bërë thirrje për solidaritet dhe mirëkuptim të ndërsjellë, transmeton lajmi.net.
“Në përfundim të muajit të shenjtë të Ramazanit, ju shpreh urimet më të sinqerta për festën e Fitër Bajramit. Le të bashkohemi në frymën e solidaritetit dhe mirëkuptimit me njëri-tjetrin. U qoftë pranuar agjërimi dhe gëzuar festën, me urime për paqe, shëndet dhe begati për të gjithë ju!”, ka deklaruar ai.
Hamza uroi që kjo festë të sjellë paqe, shëndet dhe mirëqenie për të gjithë qytetarët./lajmi.net/
