Llapi ende nuk i ka mbyllur llogaritë, pasi që shpreson deri në fund të arrij pozitën e dytë të renditjes tabelare, shkruan Gazetasheshi.com.
Për të arritur drejt këtij objektivi llapjanët duhet të përballen fillimisht me Feronikelin në stadiumin “Zahir Pajaziti” në Podujevë, në ndeshjen e vlefshme për javën e 32-të (e parafundit) të elitës së futbollit të Kosovës.
Kryetrajneri i Llapit, Tahir Batatina ka deklaruar para ndeshjes se ekipi tij do të luftojë deri në fund për të arritur pozitën e dytë në tabelë, teksa ka konfirmuar dy mungesat për sfidën me ‘Niklin’.
“Ne do të luajmë si çdo ndeshje tjetër, duke u munduar të arrijmë sa më lart, të paktën pozitën e dytë në tabelë. I kemi dy mungesa, Eminin dhe Veliun por kemi lojtar të mjaftueshëm në skuadër”, deklaroi Batatina për “Bota Sot”.
