Besnik Ahmeti, djali i dëshmorit Malush Ahmeti, ndjehet i zhgënjyer me trajtimin e varrezave të dëshmorëve në fshatin Rezallë.
Sipas fotove që ka postuar Besniku, në Facebook, shihet se varrezat ku edhe pushon babai i tij dëshmorë, janë në gjendje të mjerueshme dhe për mirëmbajtjen e tyre nuk kujdeset askush. Ai këtë pakujdesi e quan marri.
“Kur është puna me u krenu, të parët jemi! Kur është puna me bë diqka për dëshmorët, jemi të fundit. Marri ju qoftë prej të parit deri te I fundit…cfarë gjendje i kanë lënë varrezat në Rezallë”, ka shkruar Besniku, përcjell Drenicapress.
Me mirëmbajtjen e varrezave të dëshmorëve duhet të merret shteti dhe komuna, në këtë rast komuna e Skënderajt, e cila kësaj radhe nuk ka marrë mundin që të mirëmbajë varrezat e dëshmorëve në fshatin Rezallë.
Por biznesmeni nga Rezalla, Rrustem Rukolli, ka qenë shumë i shpejtë, duke bërë pastrimin e këtyre varrezave me punëtorët e firmës së tij “Rukolli”.
Pos kësaj, Drenicapress mëson se Rukolli ka punësuar edhe një person i cili për cdo ditë do të përkujdeset për mirëmbajtjen e këtyre varrezave!/Drenicapress.info/
