Arsenali po e konsideron transferimin e Joao Pedros nga Brightoni, teksa ‘Topçinjtë’ po shikojnë për alternativa të Benjamin Seskos.
Klubi londinez thuhet se e ka bërë Seskon prioritetin e tyre kryesor për ta përforcuar vijën e sulmit, por ata po i mbajnë të gjitha opsionet e hapura.
Pedro po shihet si një alternativë e përshtatshme sipas mediumit anglez The Sun.
Brighton në anën tjetër është i hapur ndaj ofertave për brazilianin dhe do ta pranonin shitjen e tij për 70 milionë euro.
Pedro ka shënuar 30 gola dhe ka asistuar në 10 të tjerë në 70 ndeshje, që prej se iu bashkua atyre në vitin 2023 nga Watfordi.
I njëjti raport shton gjithashtu se Arsenali mund të rivalizohet nga Neëcastle, Liverpool dhe Aston Villa në garën për nënshkrimin e tij.
Pedro nuk u paraqit në dy ndeshjet e fundit të sezonit të Brightonit pas një përplasje në stërvitje me bashkëlojtarin e tij Jan Paul Van Hecke.
Trajneri Fabian Hurzeler kishte thënë se ka ‘velra që nuk janë të negociueshme dhe se nuk bëj kompromise’ pas këtij incidenti, duke hapur rrugën për ofertat që vijnë në drejtim të Pedros.
Një sulmues i ri mund të konsiderohet si kusht për Arsenalin këtë verë, pasi ata kanë realizuar 17 gola më pak se sa kampioni Liverpooli.
Sesko dhe Viktor Gyokeres mund të konsiderohen si dy prioritet kryesore të tyre, por Pedro është gjithashtu një opsion./Telegrafi/
