Ekipi i Arsenalit ka nisur një projekt të ri me trajnerin Unai Emeri dhe duket se klubi londinez e ka marrë seriozisht këtë projekt.
Ata janë të vetëdijshëm se për të ndërtuar një skuadër konkurruese në Angli dhe Europë, duhet patjetër të fusësh edhe dorën në xhep.
Tashmë londinezët janë duke kërkuar të bëjnë një goditje të minutës së fundit, duke sjellë në “Emirates” “yllin” e Barcelonës, Osmane Dembele.
Lojtari u ble vjet nga Dormundi, por ka qenë i pafat me dëmtimet e tij dhe nuk ka arritur të tregojë vlerat e tij në këtë klub.
Duket se lojtari është jashtë planeve të Ernesto Valverdes për sezonin e ri dhe Arsenali është gati të bëjë një ofertë zyrtare prej 100 milionë eurosh, ku Barcelona do të mendohej mirë para se të japë vendimin final.
