Policia e Kosovës ka arrestuar sot në Pejë, Bashkim Lajqin, i shpallur në kërkim nga autoritetet zvicerane për vrasjen e Selim Elshanit e ndodhur në maj të vitit 2013 në Friburg të Zvicrës.
Burimet e Indeksonline kanë thënë se arrestimi i Lajqit është bërë nga Eurofast pas hetimeve të gjata rreth vendndodhjes së tij.
Policia zvicerane me tu njoftuar për arrestimin ka zbarkuar në Kosovë për ta transferuar menjëherë Lajqin drejt Zvicrës.
Lajqi ishte në arrati që një kohë dhe i njëjti është ngarkuar nga autoritetet zvicerane si përgjegjës kryesor për vrasjen e Selimit.
Prokurori i rastit kishte kërkuar burgim të përjetshëm për Lajqin dhe për Florim Azizin që të dy sipas prokurorisë të përfshirë në të njëjtën vrasje./Indeksonline/
- Advertisement -
