Avokati Arianit Koci ka bërë thirrje që Presidentja Vjosa Osmani dhe Kryeministri Albin Kurti të reagojnë pas konstatimit zyrtar të Komisionit Evropian se Serbia ka shkelur Marrëveshjen e Brukselit të vitit 2015, transmeton IndeksOnline.
Sipas tij, Serbia nuk ka të drejtë të arrestojë asnjë ushtar të UÇK-së për veprime të pretenduara të kryera në Kosovë. Arrestimet dhe ndjekjet penale ndaj qytetarëve kosovarë, pa kërkesë nga institucionet e Kosovës, bien ndesh me obligimet e pranuara në kuadër të dialogut.
Koci gjithashtu paralajmëron qytetarët që të jenë të kujdesshëm në Serbi, veçanërisht ata që kanë qenë pjesëtarë të UÇK-së apo të institucioneve të Sigurisë së Kosovës, duke iu referuar rastit të arrestimit të Mit’hat Lozhanit.
