Anulimi i Ligjit të Pagave, Bashkimi i Sindikatave të Kosovës thotë se do të ketë trazira

Bashkimi i Sindikatave të Pavarura të Kosovës ka reaguar pas vendimit të Gjykatës Kushtetuese për anulimin e Ligjit të Pagave.
BSPK-ja e ka quajtur të papranueshëm këtë vendim të Gjykatës, pasi mohon të drejtën për përfitim për mbi 62 mijë shërbyes civilë, raporton Gazeta Express.
“Për Bashkimin e Sindikatave të Pavaruara të Kosovës vendimi i Gjykatës Kushtetuese për anulimin e Ligjit të Pagave, pa lënë hapësirë për korrigjimin e tij në ato pak pjesë kontestuese është i papranueshëm. Ky është mohim të drejtës në përfitim nga puna për mbi 62000 shërbyes civilë”, thuhet në reagim.

Lexo edheZvarritet projekti për Kompleksin Memorial “Adem Jashari”
Tutje, BSPK ka thënë se Gjykata Kushtetuese e ka ngacmuar plagën e punëtorëve me atë vendim dhe nëse kjo plagë nuk shërohet do të ketë trazira sociale
“Gjykata Kushtetuese ia ka humbur shpresat punëtorëve të Republikës së Kosovës të cilët me padurim e kanë pritur zbatimin e këtij ligji. Konsiderojmë së Gjykata Kushtetuese e ka ngacmuar plagën e hapur të punëtorëve dhe nëse kjo plagë nuk shërohet do të ketë trazira sociale”, thuhet tutje në reagimin e BSPK’së./Express/














