Anëtari i kryesisë së Lëvizjes Vetëvendosje, Elvis Hoxha ka thënë se te Lidhja Demokratike e Kosovës, (LDK) ekziston një kundërthënie.
Sipas tij, Vjosa Osmani është më e forta në zgjedhje, ndërkohë është më e pazëshmja në parti. Ndërsa Isa Muustafa, pa asnjë fuqi në publik, është më i forti në parti.
Hoxha këto komente i ka bërë përmes një statusi në llogarinë e tij në ‘Facebook’. Ai ka shkruar se pritet vala e re e zgjimit dhe çlirimit prej mashtrimit në zgjedhjet e reja që po afrojnë.
“Lidhja për Dobësimin e Kosovës ka në thelb një kundërthënie. Te këta, Vjosa Osmani, më e forta në zgjedhje është më e pazëshmja në parti. Ndërsa Muustafa, pa asnjë fuqi në publik, është më i forti në parti. Në këtë jetë nuk do të ekzistonte mashtruesi po të mos ekzistonte budalla.
Pritet vala e re e zgjimit dhe çlirimit prej mashtrimit në zgjedhjet e reja që po afrojnë”, ka shkruar Hoxha.
