Analiza e Halil Matoshit për zgjedhjet në LDK, propozon dorëheqjen e strukturës drejtuese të partisë

Të shtunën e 31 janarit Lidhja Demokratike e Kosovës do të mbajë kuvendin e saj.

Në këtë mbledhje para anëtareve të partisë, kreu i kësaj partie Lumir Abdixhiku do të paraqes dorëheqjen e tij nga kjo pozitë.

E për kreun e LDK-së të shtunën pritet të garojë edhe ish-kryeministri i Kosovës, Avdullah Hoti.

Lidhur me këtë kuvend, Indeksonline ka kontaktuar analistin politik, Halil Matoshi.

Matoshi për Indeksonline thotë se shpallja e kandidaturës së Hotit është proceduralisht e paqartë.

‘’Lidhja Demokratike e Kosovës është parti shtet formuese dhe mban balancën në shoqërinë dhe shtetin kosovar, ndërmjet nacionalizmit integrist dhe kosovacentrizmit, brenda kornizës së shtetit liberal. Shpallja e kandidaturës së Avdullah Hotit është proceduralisht e paqartë, në rrethanat kur Lumir Abdixhiku ka kërkuar mocion në kuvend pa ofruar dorëheqje të parevokueshme, si akt personal, moral dhe politik’’, thotë Matoshi për Indeksonline.