Një 34-vjeçar nga Anglia ka humbur jetën dhe një 31-vjeçare është plagosur rëndë pas një aksidenti me Jet Ski në det, pranë zonës së Shkëmbit të Kavajës.
Sipas Policisë Kufitare, ngjarja ndodhi rreth orës 11:15 të datës 1 qershor 2025, kur dy shtetas anglezë humbën kontrollin e mjetit lundrues gjatë manovrave dhe ranë në ujë. Forcat kufitare ndërhynë menjëherë, duke i transportuar drejt portit për ndihmë mjekësore.
Pavarësisht ndërhyrjes së shpejtë, 34-vjeçari S. O. u konstatua pa shenja jete nga ekipi i urgjencës, ndërsa 31-vjeçarja V. B. ndodhet në spital në gjendje të rëndë.Grupi hetimor ka nisur punën për të zbardhur rrethanat e plota të ngjarjes.
