Skuadra e Hajduk Splitit dje ka udhëtura në Tiranë për të zhvilluar ndeshjen e kthimit ndaj Dinamo City.
Futbollisti i Kombëtares së Shqipërisë, Adrion Pajaziti u paraqit në konferencë për media, shkruan Indeksonline
Edhe pse lojtar i klubit kroat, Pajaziti foli fjalë të mëdha për kundërshtarin, tifozët e saj dhe gjithë Shqipërinë.
“Kjo është një ndejnjë e veçantë për mua. Po luaj në shtëpi. Familja ime do të jetë këtu. Jam shumë i emocionuar. Personalisht luajta shumë mirë në ndeshjen e fundit, por ka ende gjëra për t’u përmirësuar.
“Do të luajmë në një stadium të shkëlqyer. Tifozët janë të mrekullueshëm këtu. Ne shqiptarët jemi një popull patriot. Sa herë që luaj këtu, jam krenar”, u shpreh mesfushori i klubit kroat.
Nëse ndeshja shkon në penallti?
“Jam gati për penalltitë nëse ndodhin. Por shpresoj që nuk vjen deri aty. Nëse ka nevojë për të gjuajtur, do afrohem si vullnetar për ta bërë”.
Kujtojmë që ndeshja e parë mes klubit kroat dhe shqiptar u mbyll me shifrat 2:1./Indeksonline/
