Kandidati i PDK-së për deputet, Enver Hoxhaj, ka kritikuar ashpër kryeministrin Albin Kurti për refuzimin e projektit të gazit amerikan, duke e cilësuar këtë si një nga dëmet më të mëdha që po i bëhen Kosovës.
Enver Hoxhaj, ish-ministri i jashtëm, ka bërë të ditur se Albin Kurti ka refuzuar sërish gazin amerikan për Kosovën.
Në një deklaratë, Hoxhaj tha se çështja e gazit amerikan do të shndërrohet në temën kryesore të debatit politik në vend.
“Paralelisht me dëmet e tjera të mëdha që është duke ia bërë Kosovës, duke e përjashtu edhe refuzimin e gazit amerikan këto dy-tri ditët e fundit. Gazi amerikan është një shqetësim kryesor se z. Kurti ka vendos që ta refuzojë. Kjo ka me qenë kryetema e radhës dhe ka me qenë ballafaqimi i radhës”, deklaroi Hoxhaj.
