Policia e Kosovës ka njoftuar për një rast në të cilin një prind ka raportuar zhdukjen e vajzës së tij të mitur, pasi ajo ishte larguar nga shtëpia dhe nuk dihej vendndodhja e saj.
Sipas raportit 24-orësh, rasti është regjistruar në Landovicë të Prizrenit, më 18 prill 2026, rreth orës 01:35.
Pas raportimit, ankuesi ka pranuar një telefonatë nga një person i panjohur, i cili e ka informuar se vajza ndodhej në një fshat të Gjakovës dhe se ishte atje me dëshirën e saj.
Policia bën të ditur se vajza është lokalizuar nga hetuesit, është intervistuar dhe ka deklaruar se me vullnetin e saj vazhdon të bashkëjetojë me një person mashkull kosovar.
Të gjitha veprimet lidhur me këtë rast janë ndërmarrë në konsultim me prokurorin kompetent. /Lajmi.net/
- Advertisement -
