Klubi nga Ferizaj, Dinamo ka shprehur pakënaqësi të madhe për dy gola të realizuar nga Besa, të cilët po konsiderohen si shumë të dyshimtë dhe me ndikim direkt në rrjedhën e ndeshjes.
Sipas reagimit, te goli i parë ka dyshime serioze për pozitë jashtë loje, ndërsa te goli i dytë situata cilësohet edhe më problematike. Në aksionin paraprak pretendohet për një ndërhyrje të rrezikshme me bërryl të hapur një moment që, sipas rregullave, duhej të ndëshkohej me karton të kuq, shkruan Indeksonline
Megjithatë, gjyqtari lejoi vazhdimin e lojës dhe aksioni përfundoi me gol.
Këto dy episode ndikuan që pjesa e parë të mbyllej me disavantazh prej dy golave për Dinamo Ferizaj, edhe pse skuadra arriti fitore në fund me rezultatin 3:2./Indeksonline/
- Advertisement -
