Presidenti amerikan, Donald Trump, ka thënë se udhëheqësit evropianë do të vizitojnë Shtetet e Bashkuara të hënën ose të martën për të diskutuar mënyrat për t’i dhënë fund luftës në Ukrainë.
Trump shtoi se do të flasë gjithashtu me Presidentin rus Vladimir Putin “së shpejti”, si dhe sinjalizoi se administrata e tij ishte gati të kalonte në një fazë të dytë të sanksioneve ndaj Moskës.
Presidenti ukrainas Volodymyr Zelensky tha se sanksionet ishin “ideja e duhur” dhe u bëri thirrje kombeve evropiane të ndalojnë blerjen e energjisë ruse, shkruan BBC.
Kjo vjen ndërsa Rusia nisi bombardimet e saj më të mëdha ajrore në Ukrainë gjatë luftës deri më tani, duke vrarë katër persona dhe duke goditur ndërtesën kryesore qeveritare të Ukrainës në Kiev për herë të parë./Indeksonline/
