Dy prej të plagosurve nga tërmeti i të martës, më 26 nëntor, janë nisur me avion drejt shtetit italian.
Mësohet se dy personat e lënduar, të cilët po merrnin ndihmë në Spitalin e Traumës, ishin në gjendje më të rëndë se të plagosuri e tjerë, dhe për këtë arsye është parë e nevojshme dërgimi i tyre për një kurim më të specializuar në shtetin fqinj.
Ka qenë vetë ministrja e Shëndetësisë, Ogerta Manastirliu ajo që ditë më parë paralajmëroi një fakt të tillë. Gjatë një deklarate për mediat ministrja tha se kishte raste nga të plagosurit që po mendoheshin të dërgohen për ndihmë më të specializuar në Itali, pasi kishin plagë të shumta në gjymtyrë.
Raportohet se njëri i plagosur është Albert Cara, i cili nga kjo tragjedi ka humbur 7 anëtarë të familjes.
