Familjarët e Astrit Deharit morën sot raportin nga Instituti i Mjekësisë Ligjore në Zvicër lidhur me vdekjen e Astritit.Nga ky raport thuhet se konkluzionet janë që Astrit Dehari është vrarë.
Pas kësaj një reagim të veçantë pati edhe një nga hoxhallarët e Prishtinës. Hoxhë Husamedin Abazi i ‘Xhamisë tek 4 Lullat’ me lot në sy u lut që Dehari të mëshirohet si mbrojtësi së drejtës.
Hoxha tha se u prek shumë nga fjalët e prindërve të Astritit, por kur foli bashkëshortja e tij ishte e pamundur t’i mbante lotët.
“Dashtë Zoti të vendoset drejtësia në këtë vend të shtrenjtë që e kemi. Amin”, shtoi ai.
Ndryshe Dehari u gjet pa shenja jete në Qendrën e Paraburgimit në Prizren në nëntor të vitit 2016./Front Online/
