Vehbi Berishën e ka zgjedhur dega e NISMAS në Drenas që ta udhëheq shtabin zgjedhor në zgjedhjet e 6 tetorit, njofton Drenica Press
Berisha tash e një kohë të gjatë është i angazhuar në aktivitete politike në Drenas.
Kjo është biografia e tij:
Vehbi BERISHA, ka lindur me 23.09.1983 në Gllanasellë (Shkabë), Komuna e Drenasit.
ARSIMIMI
Shkollimin fillor e kreu në Sh.F. “Rilindja” në Dritan (Dobroshevc), ndërsa në vitin 1999 e ka regjistruar Shkollën e Mesme të Mjekësisë “Dr. Ali Sokoli” në Prishtinë, ku edhe arritë të përfundojë me rezultate shumë të mira në vitin 2002. Po në të njëjtin vit pas përfundimit të shkollës së mesme arritë të regjistrohet në Universitetin e Prishtinës gjegjësisht në Fakultetin e Shkencave Matematike-Natyrore, Departamenti i Kimisë – drejtimi inxhinierik, ku me sukses e përfundon këtë nivel të studimeve me datën: 22.10.2007.
Pasi mbaron këtë nivel të studimeve me sukses, vazhdon tutje me Studimet Postdiplomike – MASTER, të cilat i regjistron me datën: 11.11.2007 në Fakultetin e Shkencave Matematike-Natyrore, Departamenti i Kimisë në drejtimin: Kimi Organike dhe Biokimi, ku këto studime i mbaron me datën: 30.12.2009, me notë mesatare 8.70.
Gjatë vitit akademik 2006/2007 me sukses ka udhëhequr postin e Kryetarit të Komisionit për të Drejtat dhe Liritë e Studentëve në Parlamentin e Studentëve në Universitetin e Prishtinës.
Prej datës:01.11.2007 – 15.01.2009 ka qenë edhe Kryetar i Komisionit për studime postdiplomike-MASTER pranë Këshillit të Studentëve në F.SH.M.N të Universitetit të Prishtinës.
Ndërsa nga data: 20.01.2009 e deri në mbarim të studimeve postdiplomike-MASTER ka qenë Anëtarë i Këshillit Shkencor-Mësimor në F.SH.M.N të Universitetit të Prishtinës.
Po ashtu merret edhe me publicistikë, ku ka publikuar shumë shkrime në media të shkruara dhe elektronike si: në gazetën studentore të Universitetit të Prishtinës “BOTA E RE”, gazetën ditore “KOSOVA SOT”, revistën “HORIZONTI”, revistën “ARGUMENTI” gazetën e përditëshme “LAJM”, të përditëshmen kosovare “INFOPRESS”.
