Njëri prej sportistëve më të suksesshëm kosovarë, Luan Krasniqi, sot është takuar me deputetin në largim, Gani Dreshaj.
Ish-kandidati për kryetar të Istogut nga rradhët e AAK-së, përmes profilit të tij zyrtar në rrjetin social “Facebook” ka njoftuar se takimi me boksierin kosovar e ka shtyrë atë që ta anuloj fluturimin në Kosovë.
Ky është statusi i plotë i Dreshajt.
“E anulova biletën për Kosovë sepse në Hamburg paska ardhur një mik i madh që kam.
Luan Krasniqi, një personalitet që meriton respekt për të gjitha.
Më kujtohet kur ky djalosh zemër-luani ishte në formën e karrierës, këtu në Gjermani respekti për shqiptarët ishte në kulmin më të madh ndër vite.
Pra, Luani ka qenë dhe mbetet ambasadori shqiptar që na bëri krenar me arritjet e tij në nivel botëror.
Diskutuam për të gjitha, atdheun, sportin, shoqërinë, por kalimthi edhe për kandidaturën time si deputet, të cilën e përkrahu edhe ky mik i çmuar.
Do të shihemi shpejt” shkruan Dreshaj.
