Admirues të shumtë nderuan Muhamed Ali, i cili ndërroi jetë pikërisht dy vjet më parë, por që mbahet mend si legjendë e boksit dhe luftëtar i zëshëm kundër racizmit, raporton Anadolu Agency (AA).
Një nga boksierët më karizmatik të të gjitha kohërave në botë, Muhamed Ali ishte një luftëtarë i madh kundër segregacionit racist në SHBA.
Muhamed Ali, një nga boksierët më karizmatik të botës së të gjitha kohërave, ishte gjithashtu një luftëtar i madh kundër ndarjes raciste në Shtetet e Bashkuara të Amerikës.
Me rastin e përvjetorit të dytë, në varrin e tij në Kentucky sot u mbajt një akademi përkujtimore.
Ali, me emrin Cassius Clay lindi më 17 janar 1942 në Louisville, qytetin më të madh në Kentucky.
Me boksin amator filloi të merret në moshën 12 vjeçare ndërsa në periudhën amatore ai fitoi 161 nga 167 ndeshje në total.
Ai poashtu është edhe fituesi i medaljes së artë olimpike. Ali në karrierën e tij profesionale ka shënuar 56 fitore nga 61 luftime që kishte në total. Ai ka shënuar madje 37 “knockouts”.
Në moshën 22 vjeçare, ai u konvertua në Islam dhe ndryshoi emrin e tij në Muhamed Ali.
Ai ishte gjithashtu një mik i ngushtë i Malcolm X, aktivistit të njohur i të drejtave të njeriut dhe aktivistit kundër racizmit në Amerikë.
Ali ndërroi jetë në një spital në Phoenix të Arizonas në ditën e sotme të vitit 2016, pas një lufte të gjatë me sëmundjen e Parkinsonit.
