Koreja e Veriut ndryshon orën, e përshtat me atë të Jugut

Ndryshimi, që e çon kohën gjysmë ore para, vjen pas samitit të 27 prillit mes liderëve të dy vendeve. Lëvizja e akrepave përpara është vendosur nga Presidiumi i Asamblesë Supreme të Popullit dhe hyn në fuqi të shtunën.

Peniani vendosi ndryshimin e orës në gushtin e vitit 2015 në shenjë proteste ndaj atij që e quajti “imperializmi dashakeq japonez”.

Ndërkohë, presidenti amerikan Donald Trump tha të premten se stafi i tij e ka caktuar datën dhe vendin e takimit me Kim Jong Un, por nuk dha detaje.

Deri tani vendet më të përfolura për takimin e shumëpritur janë Zona e Çmilitarizuar, Korea e Jugut dhe Singapori.