Zëvendës/ambasadorja e SHBA-ve në Kosovë, Colleen Hyland ka vizituar xhaminë “Pavarësia” në “Kodrën e Trimave” në Prishtinë.
Imami i kësaj xhamie, Nexhmi Hoxha ka bërë të ditur se gjatë këtij takimi kanë biseduar për të drejtat e njeriut si dhe për rolin e komunitetit myslimanë në ndërtimin e shtetit të Kosovës, transmeton Indeksonline.
Hoxha ka falënderuar Hyland në emër të të gjithë xhematit dhe po ashtu banorët e asaj lagje që diplomatja ka zgjedhur xhaminë e tyre për bashkëbisedime të tilla.
“Përmes saj ne përcjellim falënderimet tona për popullin amerikan për ndihmën që ka dhënë dhe po vazhdon të jap për popullin e Kosovës. Muhamedi a.s. në një thënie profetike ka thënë: “Ai i cili nuk i falënderon njerëzit, nuk e ka falënderuar Allahun”, ka shkruar Hoxha Nexhmi në Facebook./Indeksonline/
