Presidenti i SHBA’së Donald Trump, për tensionet mes vendit të tij dhe Rusisë, ka thënë se marrëdhëniet e tyre tashmë janë më keq se kurrë, duke përfshirë edhe kohën kur ka ndodhur Lufta e Ftohtë.
Përmes një shkrimi në rrjetin social “Tëitter” ai ka shkruar se marrëdhëniet e SHBA’së me Rusinë janë më keq se kurrë, dhe për këtë ka thënë se nuk ka arsye të ndodhë kështu.
“Marrëdhëniet tona me Rusinë janë më keq se kurrë më parë, duke përfshirë edhe Luftën e Ftoftë. Nuk ka arsye të ndodhë kjo. Rusia na duhet që të na ndihmojë me ekonominë e tyre, diçka që do duhet të ishte e lehtë për t’u bërë dhe na duhet që të gjitha kombet të punojnë së bashku”, ka shkruar Trump, transmeton Express.
Para pak kohe presidenti i SHBA-së, ka reaguar ashpër ndaj paralajmërimeve ruse se secila raketë amerikane që do të godasë Sirinë do të rrëzohet nga Rusia. Ai i ka çuar mesazh Rusisë që të bëhen gati për raketet e SHJBA’së.
Ndryshe, Trump ka thënë se përgjigja e Amerikës ndaj sulmit kimik që ka kryer regjimi i Assadit ndaj civilëve dhe fëmijëve do të vijë brenda 48 orësh, afat ky që skadon sot. Krahas Trump, gatishmërinë për sulme ndaj Assadit e kanë shfaqur edhe aleatët, Britania e Madhe dhe Franca.
