Për familjen Jashari, sot ishte ditë e shënuar kalendarike. Besarta e Bekim Jashari po festojnë ditëlindjen e babait të tyre, heroit Hamëz Jashari. Të mbledhur me anëtarët e familjeve, Besarta e Bekimi e kanë kujtuar kohën kur babai i tyre u flijua për lirinë e Kosovës.
Më poshtë gjeni fjalët që ka shkruar Besarta për babanë e saj:
Thuhet që heronjët kan vetëm ditëlindje. I tillë është edhe babai im hero – Hamëz Jashari, sot emri i tij feston ditëlindjen.
Unë dhe vëllau im Bekimi, duke qenë fëmijë të heroit kemi përgjegjesinë që emrin e babait ta ruajmë dhe ta kujtojmë – kjo përgjegjësi po na nderon.
Babë,
Sot po festojmë ditëlindjën tënde, por më ndryshe nga ato ditëlindjet që kujton… emri yt është përtri në djalin e Bekimit, ndërsa nofka jote në djalin tim… kjo qenka ditëlindja e heroit.
Babë, falëmnderit që u flijove për të ardhmën tonë, falëmnderit për çdo sekond që më qëndrove afër, falëmnderit që kam një vëlla si Bekimin, falëmnderit që të kemi shembull – urime ditëlindja babë.
Vajza jote krenare,
Besarta
