Rita Ora, këngëtarja kosovare me famë botërore, ka ardhur në Kosovë për të mbajtur një koncert për nder të 10-vjetorit të Pavarësisë së Kosovës.
Koncerti i Ritës, në të cilin i ka ftuar të gjithë që të marrin pjesë pasi që do të jetë i hapur, do të fillojë nga ora 22:00 në sheshin Skënderbeu të Prishtinës.
Rita ka mbajtur një konferencë për media dhe është takuar me disa nga fansat e saj, ku një takim të këndshëm me një vogëlushe e ka publikuar në profilin e saj në Instagram, shkruan Gazeta Express.
Vogëlushja ia ka bërë një pritje të këndshme Ritës, duke e përqafuar fort atë. Videoja e publikuar, është pëlqyer edhe nga futbollisti i PSG-së, Neymar Jr.
