Zëvendëskryeministri i Kosovës, Behgjet Pacolli, gjatë ditës së sotme ka vizituar wikipedianët e rinj, të cilët me punën etyre për dy vikende kanë pasuruar enciklopedinë wikipedia me rreth 600 artikuj dhe bënë rreth 5 mijë redaktime, shkruan Indeksonline.
Sipas Pacollit, ata janë ambasadorët digjitalë të Kosovës, të cilët po e promovojnë imazhin e vendit.
Ky është statusi i plotë i tij:
Ishte vërtetë ndjenjë e veçantë t’i vizitojë wikipedianët e rinj, që me rastin e 10 vjetorit të pavarësisë, për dy vikende radhazi e pasuaruan enciklopedian wikipedia për Kosovën me rreth 600 artikuj, faqe e kategori dhe bënë rreth 5000 redaktime.
Ata janë Ambasadorët digjitalë të vendit tonë. Ata po e promovojnë imazhin e Kosovës në marrëdhëniet me jashtë.
Falënderoj Ambasadorin zviceran në Kosovë, Jean Hubert Lebet, që na u bashkua në këtë ngjarje. Falënderoj po ashtu ëikipedianët nga Evropa, që gjetën kohë të japin kontribut të rëndësishëm. Ministria do të vazhdojë t’i mbështesë iniciativat të tilla edhe në të ardhmen.
