Trajneri i njohur kosovar, Ismet Munishi befasoi të gjithë me vendimin e fundit të tij.
Ai tashmë nuk është pjesë e Vëllaznimit të Gjakovës, pasi ka nënshkruar marrëveshje me klubin e Feronikelit.
Lajmin e ka konfirmuar për “IndeksOnline” vet ish-trajneri i Dritës, duke mos folur për arsyet e largimit pasi këto tashmë dihen për opinionin.
“Arsya e largimit nga Vëllaznimi? Janë gjëra që tashmë dihen, nuk du me përsëritë. Pse te Feronikeli? Sepse ka një super skuadër dhe besoj fuqishëm te titulli i kampionit në Superligë”, ka thënë Munishi për IndeksOnline.
Skuadra e Feronikelit ka një ekip shumë cilësor, por sigurisht që gjatë mini-afatit dimëror do të “shpërthej” me ndonjë transferim. I pari që i bie në mend Munishit është lojtari i Vëllaznimit, Semir Zeneli.
“Transferimin e parë të skuadra e Feronikelit do ta bëja Semir Zenelin”, shtoi ai.
Munishi edhe më herët kishte njoftuar opinionin se kryesia e Vëllaznimit do të ketë kohë deri më 25 dhjetor për t’i paguar obligimet, megjithatë kjo siç duket nuk ka ndodhur.
Skuadra e re e Ismetit, gjendet në pozitën e katërt me 28 pikë dhe sigurisht se është në garë për titullin kampion./IndeksOnline/
