Përmbytjet në Shqipëri prek të gjithë shqiptarët anë e kënd botës. Shteti i Kosovës ishte ndër të parët që ofroj ndihma nga më të ndryshme. Një iniciativë e tillë është ndërmarrë së fundmi edhe nga Komuna e Drenasit njofton drenicapress.info
Drejtoria për Bujqësi dhe Zhvillim Ekonomik në Komunën e Drenasit ka kërkuar nga qytetarët e saj, veçanërisht nga bizneset të cilët kanë mundësi t’u ndihmojnë me ushqim, veshmbathje dhe në veçanti me ushqim për kafshë (ushqim voluminoz dhe ushqim të koncentruar), për qytetarët e Republikës së Shqipërisë, të cilët pas vërshimeve që ndodhën ditëve të fundit, kanë mbetur pa gjëra elementare dhe kanë nevojë për ndihmën tonë.
Komuna e Drenasit ka bërë një kërkesë që të gjithë ata që kanë mundësi të ndihmojnë brenda dy ditëve, të lajmërohen tek zyrtari përgjegjës në Komunën e Drenasit, përkatësisht në Sektorin e Bujqësisë: Halit Bytyqi, në numrin e telefonit 044-170-722. /Drenica Press/
