Deputeti i Partisë Demokratike të Kosovës, Elmi Reçica është shprehur se është dëm i madh që Haradinaj është ndalur në kosovë. Ai ka thënë se Kosova ka bërë çdo gjë që ishte e mundur pvr liirmin e tij.
“Institucionet e Kosovës kanë kërkuar më 16 dhjetor të vitit të kaluar nga INTERPOL që të hiqen emrat e qytetearëve të Kosovës. por kjo kërkesë nuk është miratuar.” ka shtuar ai.
Ai në Tribuna Channel ka nënvizuar se edhe Ministria e Jashtme ka punuar për lirimin e Haradinajt. Reçica ka shtuar më tej se duhet pasur kujdes me politikën e Francës për arsyen se Franca e ka mbështetur Kosovën në kohë të vështira.
Reçica ka komentuar edhe çështjen e zgjedhjeve të parakohshme ku ka thënë se në rast që nuk lëvizin proceset atëherë palët duhet të merren vesh për zgjedhjet e parakohshme.
“PDK të gjitha vendimet i ka marrë në mënyrën më legale. Së pari mblidhet kryesia e pas saj vendimin e merr këshilli drejtues. Unë besoj se zgjedhje do të ketë në momentin kur i dekreton presidenti. Nëse shkojmë në zgjedhje duhet ta bëjmë marrëveshjen me partnerin e koalicionit. Nëse nuk lëvizin proceset dëmtohen të gjithë e duhet konsensus. Nëse biem dakort që nuk lëvizin proceset atëherë duhet të merremi vesh për zgjedhje të parakohëshme.” ka thënë Reçica.
Ndërkaq në lidhje me mocionin e opozitës për rrëzimin e qeverisë tha se kjo është puna e opozitës që në momentin që është opozitë.
“Nëse nuk vjen Haradinaj, nëse nuk kalon uıshtria e demarkacioni dëmtohemi si partnerë. Por, PDK ka qenë gjithmonë e gatshme për zgjedhje.” ka shtuar Reçica.
E megjithatë ai ka shprehur se edhe zgjedhjet nuk mund të sjellin shumë ndryshime.
