Gjykata e Apelit e ka liruar Gjeneralin e UÇK-së, Sami Lushtaku, nga akuzat për vrasje, për të cilat ishte dënuar me 12 vjet burgim nga Gjykata Themelore e Mitrovicës, majin e 2015-s. Lushtakut, Apeli i ka konfirmuar 7 vjet tjera burgim për krime lufte në rastin “Drenica 1”. E njëjta gjykatë i ka hequr vetëm 9 muaj burgim Sylejman Selimit, duke e ndryshuar vendimin e Themelores në 5 vite e 3 muaj burgim ndaj tij.
Sipas avokatit të Sylejman Selimit, Tomë Gashi, rastin do ta dërgojnë në Gjykatën Supreme të Kosovës.
“Ne avokatëve na mbetet që edhe këtë rast ta dërgojmë në Gjykatën Supreme të Kosovës, duke shpresuar se nuk do të ketë Gjyqtarë të tillë të EULEX-it, të cilët me paragjykime shqiptojnë dënime vetëm për shkak se Gjeneral z.Sylejman Selimi, z.Sami Lushtaku, Jahir Demaku dhe të tjerët kanë luftuar për lirin tonë”, ka thënë Gashi./Drenicapress.info/
