2 milionë e 830 mijë e 345 copë cigare , kanë hyrë në Kosovë, vetëm gjatë vitit që sapo e lamë pas. Kështu tregojnë të gjeturat nga Dogana e Kosovës.
Vetëm në janar kanë hyrë hiq më pak se 194 mijë e 340 copë, cigare. Ndryshe në shkurt, 128 mijë e 535.
245 mijë e 850 copë cigare janë importuar vetëm gjatë muajit mars, derisa në prill kanë hyrë 225 mijë e 065 copë, shkruan Indeksonline.
198 mijë e 591 copë cigare janë importuar në muajin maj, ndryshe në qershor 216 mijë e 260.
342 mijë e 906 copë kanë hyrë në Kosovë, gjatë muajit korrik, ndërkaq në gusht 263 mijë e 194 cigare.
255 mijë e 734 cigare, janë importuar vetëm në shtatorin e vitit 2015, ndërsa në tetor 262 mijë e 484 copë.
Në nëntor 229mijë e 760 copë cigare, ndryshe në dhjetor 267 mijë e 896 copë cigare janë importuar.
“Përkundër rënies se importit të cigareve në vitin 2015, shkalla e inkasimit është me lartë për afër 7%. Kjo është si rezultat i ngritjes se normës se akcizës me vendimet e Qeverisë 16/20 të datës 24.03.2015 nga 32 në 35 €/1000 copë cigare dhe sipas vendimit 04/39 të datës 22.07.2015 nga 35 në 38€ për 1000opë cigare”, thuhet në raportin e Doganës.
