Partia Demokratike e Kosovës do të kandidon me Ramiz Lladrovcin për kryetar të Drenasit. Ashtu siç ishte paralajmëruar edhe më herët, pakënaqësitë brenda PDK-së, dega në Drenas janë shtuar.
Kundër kandidimit të Lladrovcit për kryetar të Drenasit është shprehur Naim Bazaj, i cili është kryesues i Kuvendit Komunal në këtë komunë.
Ai për lajmi.net ka thënë se Veseli ka nxjerr nga zarfi emrin e Lladrovcit të cilin ai dhe shumë anëtarë të degës e kanë kundërshtuar.
“Erdhe Kadri Veseli e sjelli zarfin nga Prishtina se kush ka me qenë kryetar dhe e propozoj Ramiz Lladrovcin. Në shenjë pakënaqësie si shumë anëtarë të kryesisë u deklarova se unë nuk e mbështes këtë propozim”.
“Zarfin që e sjell i thash se vetëm në kohën Rankoviqit e kanë pru se kush me qenë udhëheqës i një komune, e ti nuk është dashur me ardhur me na përça se të gjithë populli janë kundër”,ka thënë Bazaj , i cili më herët kishte shprehur publikisht se dëshiron që të kandidoj për kryetar të Drenasit nga radhët e PDK-së.
