Lajmi.net mëson se kryetari i PDK-së, Kadri Veseli momentalisht gjendet në këtë qytet ku si propozim të kryesisë për kandidat për kryetar të Drenasit ka dërguar emrin e Ramiz LLadrovcit, i cili aktualisht është ambasador i Kosovës në Shqipëri, transmeton lajmi.net.
Ky propozim nuk është mirëpritur mirë nga një pjesë e anëtarësisë se degës së PDK-së dhe disa qytetarë të cilët po protestojnë kundër këtij propozimi.
Kundër kandidimit të Lladrovcit për kryetar të Drenasit është shprehur edhe Naim Bazaj i cili është kryesues i Kuvendit Komunal në këtë komunë.
Ai për lajmi.net ka thënë se Veseli ka nxjerr nga zarfi emrin e LLadrovcit të cilin ai dhe shumë anëtarë të degës e kanë kundërshtuar.
“Erdhe Kadri Veseli e sjelli zarfin nga Prishtina se kush ka me qenë kryetar dhe e propozoj Razmiz Lladrovcin. Në shenjë pakënaqësie si shumë anëtarë të kryesisë u deklarova se unë nuk e mbështes këtë propozim”.
“Zarfin që e sjell i thash se vetëm në kohën Rnakobviqit e kanë pru se kush me qenë udhëheqës i një komune, e ti nuk është dashur me ardhur me na përça se të gjithë populli jon kundër”,ka thënë Bazaj për lajmi.net, i cili më herët kishte shprehur publikisht se dëshiron që të kandidoj për kryetar të Drenasit nga radhët e PDK-së. /Lajmi.net/
Ai ka thënë se edhe deputeti Bislim Zogaj i cili ishte përfolur si njëri nga kandidatët e mundshëm ka qenë kundër këtij propozimi.
Bazaj ka thënë se ai do të kandidojë si I pavarur, pro që nuk do të jap dorëheqje nga PDK.
Ai ka thënë se për fajin e këyte njerëzve që sot po dëshirojnë të kandidojnë mbi 200 veta janë dënuar me burg për manipulim të votive.
Zgjedhjet e jashtëzakonshëm ne Drenas do të mbahen me 4 dhjetor./ lajmi.net
